ПАПУЛЯРЫЗАЦЫЯ БЕЛАРУСКАЙ МОВЫ
Люблю цябе такой, якая ёсць,
Зямля мая, зямля бацькоў святая, —
Мая слязінка — са святла наскрозь,
Маё прычасце, мой святлісты лёс…
З табой і паміж бедаў я світаю.
Н. Загорская «Мае ўсе думы звязаны з табою…»
Кожны чацвер заклікаем выхавацелей, дзетак і бацькоў размаўляць па-беларуску!
Скарбы мовы, скарбы пазнання, скарбы навакольнага свету расчыняюцца тым, хто шчыра любіць і глыбока вывучае родную мову, літаратуру, культуру.
Паважаныя бацькі, дапамажыце нам далучыць дзяцей да роднай, беларускай мовы! Давайце разам падумаем, як захапіць дзіця, каб яму захацелася вывучыць родную мову.
Хтось, магчыма, не вывучаў беларускую мову ў школе ці не карыстаецца ёю ў жыцці, пакуль ведае абмежаваную колькасць слоў, але ж хоча узбагаціць слоўнікавы запас і зацікавіць астатніх. Дзесь ці ж трэба пачынаць! Напрыклад, пачніце з прывітання ці развітання па-беларуску. Да ўніверсальных вітанняў належаць: вітаю, прывітанне, здрастуйце, добрага здаровейка. Ці вітальныя выразы ў дачыненні да часу: добрай(-ае) раніцы, добрага ранку, дабранак, добры дзень (дзянёк), добры вечар (вечарок), добрай ночы (ночкі).
Формы развітання: да пабачэння, да сустрэчы, да скорага, шчасліва заставацца, заставайцеся здаровыя, бывайце здаровыя, шчаслівай дарогі або лёгкай дарогі.
Ветлівасць
Ветлівымі словамі дарослыя і дзеці карыстаюцца амаль штодня. Давайце праверым свае веды і пакажам прыклад ветлівых паводзін дзецям:
Дзякуем
Сардэчна дзякую! Я ўдзячны (удзячна) Вам! Дзякуй за дапамогу! Дзякуй за ўсё!
Просім прабачэння
Прабачце, калі ласка! Я прашу прабачэння! Вельмі шкадую, што нарабіў Вам клопату. Не сярдуйце, так атрымалася. Даруйце, мне вельмі непрыемна.
Радуемся
Вельмі добра! Цудоўна! Выдатна! Вось здорава! Якое шчасце! Вось гэта навіна! Мне вельмі прыемна! Я задаволены (задаволена)! Вы мяне ўзрадавалі! Мне гэта даспадобы! Гэта самая шчаслівая хвіліна ў маім жыцці! Я вельмі рады (рада)!
Жадаем
Жадаю шчасця! Каб Вы здаровы былі і радаваліся! Хай Вас Бог беражэ! Хай Вам шчасціць! Хай будуць здаровы Вашы родныя! Расці дужы (дужая) ды вялікі (вялікая)! Хай здзейсняцца ўсе спадзяванні! Бывайце здаровы, жывіце багата! Добрай дарогі! Хай усё будзе добра! Хай Вам лёс не здрадзіць!
Імёны
Для бацькоў імя сына ці дачкі — самае пяшчотнае і мілагучнае. Кожнае дзіця любіць, каб да яго звярталіся неяк асабліва. Камусьці падабаюцца памяншальныя ласкавыя формы імя, камусьці — толькі поўныя. Дзецям будзе цікава на некалькі хвілін акунуцца ў мінулае нашай краіны і даведацца, якія імёны існавалі раней на Беларусі.
Прапануем Вам беларускія сайты:
"Вясёлка" - часопiс для дзяцей i iх бацькоў: http://www.veselka.by
"Буся" - чытанка-маляванка для дашкольнікаў: http://www.veselka.by
Народныя казкі для дзетак ад ЮНІСЕФ: https://kazki.unicef.by
Вершы.ru - нацыянальны паэтычны партал, на якiм вы знойдзеце вершы для дзяцей на беларускай мове:http://www.vershy.ru/category/vershy-dlya-dzyatsei
Казкi беларускiя: http://kazki.by
Крыніца: https://44mogilev.schools.by/pages/rodnaja-mova
План мерапрыемстваў тыдня беларускай мовы
(17.02 – 21.02.2020)
|
№ п/п |
Мерапрыемствы |
Адказныя |
Дата правядзення |
Удзельнікі мерапрыемства |
|
1 |
21 лютага — Дзень Роднай мовы (інфармацыя на сайце установы адукацыі) |
Дубовік А.І., намеснік загадчыка па АД |
17.02.2020 |
бацькі, выхавацелі дашкольнай адукацыі , спецыялісты |
|
2 |
Інтэрактыўная гульня “Знаўцы роднай мовы” |
Дубовік А.І., намеснік загадчыка па АД |
17.02.2020 |
выхавацелі дашкольнай адукацыі, спецыялісты |
|
3 |
Калаж-букет “Нашы любімыя беларускія словы пра бяспеку” (у кожнай групе) |
Баршчэўская А.А., Пятрова Г.Ш., Махнач Т.А., выхавацелі дашкольнай адукацыі , Дубовік А.І., намеснік загадчыка па АД |
17.02 –21.02.2020 |
выхавацелі дашкольнай адукацыі, спецыялісты, бацькі |
|
2 |
Інтэрактыўныя гульні “Скарбонка роднай мовы” (у кожнай групе) |
Пятрова Г.Ш., Махнач Т.А., выхавацелі дашкольнай адукацыі, Дубовік А.І., намеснік загадчыка па АД |
17.02 –21.02.2020 |
Выхаванцы установы адукацыі |
|
3 |
“Мова родная – пявучая, звонкая”, размовы з дзецьмі, чытанне твораў на беларускай мове па бяспецы |
Баршчэўская А.А., Пятрова Г.Ш., Махнач Т.А., Баўрына Л.Л., выхавацелі дашкольнай адукацыі |
14.02 –21.02 2020 |
Выхаванцы ўсіх груп, выхавацелі |
|
“Музычная спадчына Беларусі”, музычны занятак |
Бокун С.Я., музычны кіраўнік |
20.02.2020 |
выхаванцы сярэдняй, старшай груп |
|
|
4 |
Конкурс чытальнікоў вершаў на беларускай мове “Мой тата, дзядуля – самы лепшы!” |
Баршчэўская А.А., Пятрова Г.Ш., Махнач Т.А., выхавацелі дашкольнай адукацыі , Дубовік А.І., намеснік загадчыка па АД |
21.02.2020 |
Выхаванцы сярэдняй, старшай груп, выхавацелі дашкольнай адукацыі, бацькі |
|
5 |
Парады бацькам па вывучэнню з дзецьмі беларускай мовы (інфармацыя на сайце установы адукацыі) |
Дубовік А.І., намеснік загадчыка па АД |
18.02.2020 |
|
|
6 |
Наведванне гульнёва-забаўляльнай праграмы “Літарынка” ў дзіцячай бібліятэцы |
Дубовік А.І., выхавацелі |
27.02.2020 |
Выхаванцы, выхавацелі старшай, сярэдняй груп |